14.12.2024 | 19:57
Ինչ իրավիճակ է ճանապարհներին 19։35-ի դրությամբ
Մոսկվան ԼՂ հակամարտության կողմերին առավելագույն զսպվածության կոչ է արել
Քաղաքականություն
05.11.2020 | 17:26
Մոսկվան Լեռնային Ղարաբաղի հակամարտության կողմերին կոչ է անում ցուցաբերել առավելագույն զսպվածություն, թույլ չտալ արտաքին ուժերի միջամտությունն ու գործնականում քայլեր ձեռնարկել՝ հրադադարի ու բանակցությունների վերսկսման ուղղությամբ։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան, գրում է ՌԻԱ Նովոստին։
«Շաբաթվա ընթացքում ԼՂ հակամարտության գոտում իրավիճակը մնում է լարված, շփման գծի ողջ երկայնքով նկատվել են փոխադարձ կրակոցներ, թիրախավորվել են նաև քաղաքացիական օբյեկտներ։ Մենք կոչ են անում կողմերին ծայրահեղ զսպածություն դրսևորել, խուսափել քաղաքացիական բնակավայրերին հարվածներ հասցնելուց, թույլ չտա արտաքին ուժերի միջամտություն։ Անհրաժեշտ է գործնականում քայլեր ձեռնարկել՝ կրակի դադարեցման, լարվածության ապաէսկալացիայի ու հիմնարար սկզբունքների հիման վրա խաղաղ կարգավորման հասնելու նպատակով բանակցությունների վերսկսման համար», ասել է Զախարովան։
Տաթև Ֆռանգյան
