08.11.2024 | 14:35
Մտահոգիչ է արտակարգ դրության կարգավորումը․ Դավիթ Խաժակյան․ ՏԵՍԱՆՅՈՒԹ
Գերմանիայի հատուկ ծառայությունների ղեկավարը զգուշացրել է երկրում իսլամիստական ահաբեկչության վտանգի մասին
Քաղաքականություն
05.11.2020 | 16:06
Գերմանիայում իրավապահ մարմինները պետք է չափազանց զգոն լինեն իսլամիստական ծայրահեղականների կողմից սպառնալիքի դեմ։ Այս մասին հայտարարել է Գերմանիայի Սահմանադրության պաշտպանության դաշնային գրասենյակի ղեկավար Թոմաս Հալդենվանգը, գրում է DW-ի ռուսական ծառայությունը։
Գերմանիայի հատուկ ծառայությունների ղեկավարի խոսքով՝ վերջին շաբաթներին գրանցված ահաբեկչությունների կապակցությամբ անհրաժեշտ է համակ ուշադրությամբ հետևել «արդեն հայտնի վտանգավոր տարրերին»։ Նրանց թվում, ամենայն հավանականությամբ, կան այնպիսիք, որոնք մտադրվել են նման հանցագործություններ անել, կարծում է Հալդենվանգը։
Միևնույն ժամանակ, Գերմանիայի հատուկ ծառայոությունների ղեկավարն ընդգծել է, որ գերատեսչության գնահատմամբ՝ վտանգի մակարդակը չի փոխվել։
«Ես նախկինում մշտապես ասել եմ, որ իսլամիստական ահաբեկչության վտանգն անփոփոխ բարձր է»,- ասել է նա՝ նշելով, որ ցանկացած պահի ահաբեկչություն կարող է իրականացվել նաև Գերմանիայում։
Տաթև Ֆռանգյան
