17.10.2026 | 19:25
Հռոմի պապ Լևոն XIV-ը լքել է հիվանդանոցը՝ թոքի ուռուցքի հեռացման վիրահատությունից հետո
Բելառուսը փակել է հարևան երկրների հետ ցամաքային սահմանները
Քաղաքականություն
05.11.2020 | 14:01
Բելառուսի Պետական սահմանային կոմիտեն հայտարարել է, որ հարևան երկրներում համաճարակային իրավիճակով պայմանավորված` հանրապետությունը ժամանակավորապես սահմանափակում է ցամաքային անցակետերից մուտքը երկրի տարածք Լատվիայից, Լիտվայից, Լեհաստանից և Ուկրաինայից ժամանած անձանց որոշակի խմբերի համար, գրում է ՌԻԱ Նովոստին:
Նշվում է, որ սահմանափակումները չեն վերաբերում դիվանագիտական ներկայացուցչությունների և հյուպատոսական գրասենյակների աշխատակիցներին: Որոշումը չի տարածվում նաև միջազգային բեռնափոխադրումներ իրականացնող տրանսպորտային միջոցների վարորդների, միջազգային երկաթուղային երթևեկի գնացքների և լոկոմոտիվային անձնակազմի անդամների վրա:
Հայտարարությունից հետո Բելառուսի նախագահ Ալեքսանդր Լուկաշենկոն հայտարարել է, որ սահմանների փակումը ոչ մի քաղաքական ենթատեքստ չունի, գրում է Sputnik Բելառուսը։
Տաթև Ֆռանգյան
