10.09.2026 | 23:04
ԿԳՄՍ նախարարը մանկավարժների հետ ոլորտային հարցեր է քննարկել
Վրաստանը վճռորոշ է ՆԱՏՕ-ի անդամ դառնալու հարցում
Քաղաքականություն
29.05.2017 | 16:03
Վրաստանը հաստատակամ է Հյուսիսատլանտյան դաշինքի անդամ դառնալու մտադրության հարցում․ այս մասին հայտարարել է երկրի վարչապետ Գեորգի Կվիրիկաշվիլին՝ ՆԱՏՕ-ի խորհրդարանական վեհաժողովի նստաշրջանի լիագումար նիստին ելույթի ընթացքում, գրում է tass.ru-ն:
«Վրաստանը հստակ որոշել է ՆԱՏՕ-ի անդամ դառնալ, մենք ակտիվ կշարունակենք դաշինքին ինտեգրման գործընթացը ու այդ ուղղությամբ բարեփոխումները»,- նշել է վարչապետը:
ՆԱՏՕ-ի խորհրդարանական վեհաժողովն աջակցում է Հյուսիսատլանտյան դաշինքի անդամ դառնալու Վրաստանի որոշմանը: Այդ մասին հայտարարել է վեհաժողովի նախագահ Պաոլո Ալին․ «ՆԱՏՕ-ի խորհրդարանական վեհաժողովը վճռականորեն պաշտպանում է ՆԱՏՕ-ի անդամ դառնալու Վրաստանի ընտրությունը, մենք դաշինքին կառաջարկենք ամրապնդել և ընդլայնել Վրաստանի հետ հարաբերությունները»:
