08.10.2026 | 19:43
Ժամանակավորապես կփակվի Դսեղ-Մարց ավտոճանապարհի մի հատվածը
Եթե պետականաշինության մեջ Իսրայելի նման արդյունք ունենայինք, հնարավոր է՝ Ադրբեջանը չհարձակվեր. ՏԵՍԱՆՅՈՒԹ
Քաղաքականություն
04.11.2020 | 20:40
«Հնարավոր էր արդյոք խուսափել պատերազմից» թեմայով քննարկման ժամանակ «Առավոտ» օրաթերթի խմբագիր, քննարկման վարող Արամ Աբրահամյանը Հյուսիսային Կորեայի օրինակը բերեց՝ նշելով, որ Հայաստանին այդ երկիրը նման չի ու այդ երկիրը չեն սիրում, բայց իրենց դեմ ոչ մեկը պատերազմ չի սկսում, որովհետև այդ երկիրը շատ լավ է զինված: Հայաստանը կարո՞ղ է երբևէ լինել այդքան ուժեղ սպառազինությունների առումով, որ ոչ մեկը ռիսկ չանի մեզ վրա հարձակվել:
Ի պատասխան՝ ռազմական փորձագետ Մհեր Հակոբյանը նշեց. «Աշխարհի պես հին ճշմարտություն կա՝ պետք է ուժեղ լինել: Մեծ հաշվով ուժն է որոշում ու մեր դիվանագիտությունը ուժի շարունակությունն է: Հիմա հարց ենք տալիս՝ կլինե՞ր պատերազմը, թե՞ չէր լինի: Հիմա մենք անթիվ տարբերակներից ունենք այս մեկը: Մի բան ակնհայտ է՝ 94-ից մեր պատերազմը չի ավարտվել…Եթե մենք պետականաշինական զարգացումների արդյունքում ունենայինք մոտ արդյունք, ինչպես եղավ Իսրայելում, հնարավոր է մեր վրա հարձակում չլիներ: Մենք այս 26 տարում փոխեցինք 4 իշխանություն: Մեր դեմ խաղացին նաև միջազգային զարգացումները: Վարձկան բաշիբոզուկների պատերազմը մենք տեսանք նաև սիրիական պատերազմում: Բաշիբոզուկային մարտավարությունը Էրդողանը փորձարկեց, ԱԹՍ-ների փորձարկում էլ տեսանք սիրիական ճակատում»:
Ըստ փորձագետի, մեր բանակի համար բաշիբոզուկները խնդիր չեն, որովհետև մոտիվացված չեն, ինչպես հայ զինվորը, երկրորդը՝ քանակով մեծ չեն, մեր խնդիրը եղան ԱԹՍ-ները:
