08.11.2024 | 13:07
Դժգոհության մեծ ալիք քաղաքացիների մոտ չեմ նկատել. ՔՊ անդամ․ ՏԵՍԱՆՅՈՒԹ
Եթե պարտվի Արցախը, կպարտվի ՀՀ-ն․ եթե պարտվի ՀՀ-ն, կպարտվի Եվրոպան․ Փարիզի փոխքաղաքապետ
Քաղաքականություն
04.11.2020 | 19:32
Եթե պարտվի Արցախը, կպարտվի Հայաստանը, իսկ եթե պարտվի Հայաստանը, կպարտվի Եվրոպան։ Nation News-ի հետ զրույցում նման կարծիք է հայտնել Փարիզի փոխքաղաքապետ Անուշ Թորանյանը։
Նա պատմել է, որ այսօր Ֆրանսիայի փողոցներով թափառում են ադրբեջանաթուրքական ազգայնականները՝ վանկարկելով «մենք հայ ենք փնտրում, մենք հայ ենք որսում»։ Սա անմիջականորեն կապված է այն ամենի հետ, ինչ տեղի է ունենում Արցախում, ասել է Թորանյանը։
«Ե՛վ Էրդողանը, և՛ Ալիևը այդ կերպ փորձում են առաջ տանել իրենց հակահայկական քարոզչությունը, նրանք ցանկանում են հայերի հանդեպ ատելություն սերմանել»,- հայտարարել է նա։
Փարիզի փոխքաղաքապետը համոզված է, որ եթե Արցախը պարտվի, կպարտվի նաև Հայաստանը, իսկ եթե պարտվի Հայաստանը, կպարտվի Եվրոպան, և այս մասին պետք է հստակ ասել։
Այսօր ամբողջ աշխարհում հայ համայնքները պահանջում են իրենց պետություններից ճանաչել Արցախի Հանրապետությունը։ Անուշ Թորանյանը կարծում է՝ եթե միջազգային հանրությունը ճանաչի Արցախի Հանրապետությունը, դա կապահովի արցախցիներին խաղաղություն:
«Փարիզի քաղաքապետը հայտարարում է, որ Արցախի Հանրապետության ճանաչումն այն է, ինչ մենք պատրաստ ենք անել, չնայած Ֆրանսիայի արտաքին քաղաքականությունը դեռ միանշանակ չի աջակցում այդ որոշմանը: Միևնույն ժամանակ, կարծում ենք, որ պետք է գոնե մեկ երկիր լինի, որը կճանաչի Արցախի Հանրապետության անկախությունը, որից հետո այդ գործընթացն անդադար շղթայական ռեակցիա կդառնա»,- շեշտել է Թորանյանը:
Տաթև Ֆռանգյան
