05.11.2024 | 23:30
ԱՄՆ նախագահական ընտրությունների արդյունքները դժվար թե վերականգնեն Թուրքիայի հետ հարաբերությունները. անդրադարձ
Ինչպե՞ս կառավարությանը հաջողվեց իր դեմ հանել ևս 35 հազար ընտանիքի
Տնտեսություն
25.12.2017 | 19:22
Կառավարությունը որոշման նախագիծ է դրել շրջանառության մեջ, որով ցանկանում է 2018թ. ապրիլի 1-ից արգելել աջակողմյան ղեկով տրանսպորտային միջոցների ներմուծումը: Նախագծով առաջարկվում է նաև թույլատրել մինչև 2018 թվականի ապրիլի 1-ը ներկրված տրանսպորտային միջոցների շահագործումը, սակայն սահմանափակել տրանսպորտային միջոցների վերահաշվառումը:
Գործադիրը հիմնավորում է, թե Հայաստանում աջակողմյան ղեկային տեղաբաշխմամբ տրանսպորտային միջոցների շահագործումը երթևեկության համար վտանգ է ներկայացնում, քանի որ ունի սահմանափակ տեսանելիություն: Մասնավորապես, կանգառի կամ կայանման վայրից տրանսպորտային միջոցի շարժումն սկսելու, երթևեկության գոտի վերադասավորվելու, երթևեկության ուղղությունը փոփոխելու, վազանց կատարելու և այլ դեպքերում:
Ըստ ոստիկանության տվյալների՝ 2017 թ. 11 ամսվա կտրվածքով աջ ղեկով ավտոմեքենաների մասնակցությամբ գրանցվել է 309 ճանապարհատրանսպորտային պատահար, որի հետևանքով գրանցվել է 16 զոհ և 490 վիրավոր։ Դա կազմում է վթարների 10 տոկոսը: Վարորդները դեկտեմբերի 22-ին արդեն նախազգուշական բողոքի ավտոերթ արեցին: Ի՞նչ է առաջարկում կառավարությունը, ինչո՞ւ են դժգոհ վարորդները, որքա՞ն աջ ղեկով մեքենա կա Հայաստանում, որքանո՞վ են մատչելի այդ ավտոմեքենաները, մինչև ո՞ւր կհասնի վարորդների սկսած բողոքի ցույցը և արդյոք տրանսպորտի, կապի և ՏՏ նախարարությունը կյանքի կկոչի այս որոշումը:
Այս և այլ հարցերի մասին՝ տեսանյութում:
Սևակ Հակոբյան
