12.01.2025 | 14:16
Առաջիկա օրերին օդի ջերմաստիճանն էապես չի փոխվի
Ռազմական դրության ժամանակ կանոնները խախտելու համար պատասխանատվության է ենթարկվել 331 սուբյեկտ. ՏԵՍԱՆՅՈՒԹ
Քաղաքականություն
02.11.2020 | 16:27
Մինչև այսօր պատասխանատվության է ենթարկվել 331 սուբյեկտ, որոնցից 148-ը՝ լրատվական գործունեություն իրականացնողներ, մնացածը՝ լրատվական գործունեություն չիրականացնողներ: ԱԺ պաշտպանության և անվտանգության հարցերի հանձնաժողովում այսօր «ՀՀ 2021թ.-ի պետական բյուջեի մասին» ՀՀ օրենքի նախագծի քննարկման ժամանակ հայտարարեց փոխոստիկանապետ Արա Ֆիդանյանը՝ պատասխանելով հարցին, թե ռազմական դրության իրավական ռեժիմի սահմանափակումները խախտող քանի օգտատեր և անձ է ենթարկվել պատասխանատվության՝ սոցցանցային գրառումների համար:
Հանձնաժողովի նախագահ Անդրանիկ Քոչարյանը հետաքրքվեց՝ կա՞ն մարդիկ, ովքեր ֆինանսավորում են, որպեսզի նման հրապարակումները լինեն շարունակական: Արա Ֆիդանյանը նշեց, որ չի կարող նշել որևէ այդպիսի ֆինանսավորման աղբյուր, և տեղեկացրեց, որ եթե առաջին որոշումից հետո հրապարակումը չի հեռացվում, հաջորդում է վարչական իրավախախտման վերաբերյալ երկրորդ որոշումը:
Մանրամասները՝ տեսանյութում:
