11.09.2026 | 17:50
Բաքուն հայտարարում է, թե Ստեփանակերտում 28 հազար մարդ է բնակվում
Չգիտեմ՝ ինչու է Թաթոյանը նման արտահայտություններ արել. Զարուհի Բաթոյան. ՏԵՍԱՆՅՈՒԹ
Հասարակություն
02.11.2020 | 14:06
Չգիտեմ՝ ինչո՞ւ է պարոն Թաթոյանը նման արտահայտություն արել։ Այս մասին այսօր՝ նոյեմբերի 2-ին խորհրդարանում լրագրողների հետ զրույցում ասաց Աշխատանքի և սոցիալական հարցերի նախարար Զարուհի Բաթոյանը՝ անդրադառնալով ՄԻՊ գրասենյակի աշխատակազմի հետ ոչ լիարժեք համագործակցության մասին ՄԻՊ Արման Թաթոյանի ֆեյսբուքյան գրառմանը:
Զարուհի Բաթոյանը վստահեցրեց, որ նախարարությունը համագործակցել է ՄԻՊ գրասենյակի հետ և պատասխանատու վերաբերմունք է ցուցաբերել։ Նրա խոսքով՝ ինչպես պետական մյուս մարմինների, այնպես էլ այդ կառույցի հետ համագործակցում են, ընդ որում՝ ավելի սերտ։
Հարցին, թե ՄԻՊ-ի գրառման մեջ բարձրաձայնած դիտարկումները իրականությանը չեն համապատասխանո՞ւմ, Զարուհի Բաթոյանը պատասխանեց․ «Իմ կարծիքով՝ ոչ»։
Անդրադառնալով հարցին, թե այդ առումով դիմելու է որոշակի քայլերի, թե ոչ, նախարարն ասաց, որ հիմա չի կարող մեկնաբանել:
Հիշեցնենք, որ Արման Թաթոյանը օրերս ֆեյսբուքյան գրառում էր արել, որում նշել էր. «Աշխատանքի և սոցիալական հարցերի նախարարության ղեկավար այն անձնակազմից և մյուս պատասխանատուներից, ովքեր այս օրերին անմիջականորեն ներգրավված են մարդկանց սոցիալական աջակցության ապահովման գործընթացին, պահանջում եմ գիտակցել սահմանադրական պարտականությունները Մարդու իրավունքների պաշտպանի նկատմամբ և սեփական կարգավիճակի լրջությունը, բացառել անպատասխանատու վերաբերմունքը և ապահովել լիարժեք համագործակցություն մեր աշխատակազմի հետ»:
