12.01.2025 | 16:47
2018 թ. հեղափոխությունից հետո ժողովրդի մղումներն իրականացնելու ճանապարհով գնալը կործանարար կլիներ մեր պետության համար. Փաշինյան
Վրաստանում խորհրդարանական ընտրություններն ավարտվել են համազգային բողոքի ցույցերով
Քաղաքականություն
02.11.2020 | 14:13
Վրաստանում հոկտեմբերի 31-ին տեղի ունեցած խորհրդարանական ընտրություններն ավարտվել են բողոքի ցույցերով։ Համաձայն պաշտոնական տվյալների՝ «Վրացական երազանք-Դեմոկրատական Վրաստան» իշխող կուսակցությունը հաղթել է ընտրություններում, ընդդիմությունն ընտրությունների արդյունքները չի ընդունում ու կոչ է անում կողմնակիցներին մշտական բողոքի ցույցեր իրականացնել։ Որոշ ցուցարարներ պատրաստակամություն են հայտնել գիշերել խորհրդարանի շենքի մոտ, գրում է BBC-ի ռուսական ծառայությունը։
«Եվրոպական Վրաստանի» առաջնորդ Սերգի Կապանաձեն հայտարարել է, որ նոյեմբերի 8-ին տեղի է ունենալու համազգային բողոքի ցույց։ Ինչպես նշել է Կապանաձեն, բողոքի ցույցի մասնակիցների գլխավոր պահանջը լինելու է արտահերթ խորհրդարանական ընտրությունների անցկացումը, հայտնում է «Գրուզիա օնլայն»-ը։
«Դա կլինի բոլոր այն մարդկանց բողոքի ցույցերը, ովքեր դժգոհ են հոկտեմբերի 31-ին տեղի ունեցած ընտրությունների ժամանակ ընտրողների վրա զանգվածային ճնշումներից, կեղծումներից ու բռնությունից։ Սա առանձին վերցված կուսակցության բողոքի ցույց չի լինելու։ Սա համազգային բողոքի ցույց է լինելու․ այն մեկ կուսակցության հետ չի կապված լինելու։ Դա ժողովրդի իրավունքն է բողոքել այն ամենի դեմ, ինչ տեղի է ունենում»,- հայտարարել է Կապանաձեն։
Տաթև Ֆռանգյան
