10.06.2026 | 23:29
Հունիսի 7-ին կայացած ԱԺ ընտրությունները աննախադեպ էին. «Նոր ուժ»-ի հայտարարությունը
Նախագահական ընտրություններ Մոլդովայում․ Սանդուն առաջին փուլում առաջ է անցել Դոդոնից
Քաղաքականություն
02.11.2020 | 13:25
Մոլդովայում կիրակի օրը տեղի ունեցած նախագահական ընտրություններում միանշանակ հաղթող չի գրանցվել։ Ըստ երկրի ԿԸՀ-ի հրապարակած տվյալների՝ Մոլդովայի գործող ղեկավար Իգոր Դոդոնը հավաքել է ձայների 33 %-ը։ Նրա հիմնական մրցակից ու երկրի նախկին վարչապետ Մայա Սանդուն ստացել է ձայների ավելի քան 35,5 տոկոսը։ Ընտրություններին մասնակցությունը կազմել է 43 տոկոս, գրում է DW-ի ռուսական ծառայությունը։
Մյուս թեկնածուները զգալիորեն զիջել են իրենց դիրքերը։
Հավելենք, որ Մոլդովայում նախագահ են ընտրում 4 տարին մեկ անգամ։ Իգոր Դոդոնը երկիրը ղեկավարել է 2016 թվականի վերջից։ Երկրի նախագահի աթոռին հավակնել է 8 թեկնածու։ Ընտրությունների երկրորդ փուլը տեղի կունենա նոյեմբերի 15-ին։
Տաթև Ֆռանգյան
