12.12.2024 | 15:47
Պենտագոնը հայտարարել է, որ Սիրիայում քրդական ուժերի հետ համագործակցությունը շարունակվում է
ՄԱԿ-ի ԱԽ-ն կարող է վերադառնալ ԼՂ-ում տիրող իրավիճակի քննարկմանը
Քաղաքականություն
31.10.2020 | 01:46
ՄԱԿ-ի Անվտանգության խորհուրդը կարող է վերադառնալ Լեռնային Ղարաբաղում տիրող իրավիճակի քննարկմանը, եթե հակամարտության գոտում իրադրությունը չբարելավվի։ ՏԱՍՍ-ի փոխանցմամբ՝ այս մասին հայտարարել է ՄԱԿ-ում ՌԴ մշտական ներկայացուցիչ Վասիլի Նեբեզդնյան։
«Չեմ կարող բացառել, որ եթե իրադրությունը վատթարանա, Անվտանգության խորհուրդը կարող է վերադառնալ այդ խնդրին և զբաղվել դրանով։ Ինչ ձևաչափով՝ կորոշենք»,- պատասխանելով այդ թեմայով բաց նստաշրջան անցկացնելու՝ ՄԱԿ-ի ԱԽ ծրագրերի մասին հարցին՝ ասել է Նեբեզդնյան։
Մինչ այս ՄԱԿ-ի ԱԽ-ն երկու անգամ քննարկել է Լեռնային Ղարաբաղի հակամարտության գոտում իրադրությունը՝ փակ ձևաչափով և առանց Հայաստանի և Ադրբեջանի ներկայացուցիչների մասնակցության։
Նեբեզդնյան հույս է հայտնել, որ հակամարտության կողմերը կկատարեն ձեռք բերված համաձայնությունները, առաջին հերթին՝ կհասնեն կրակի դադարեցմանը, ինչից հետո կանցնեն քաղաքական գործընթացի։
