09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Թուրքիայում երկրաշարժի զոհերի թիվը հասել է 12-ի, վիրավորներինը՝ 522-ի
Հասարակություն
30.10.2020 | 22:46
Թուրքիայի արևմտյան Իզմիր նահանգում հզոր երկրաշարժի հետևանքով տուժածների թիվը հասել է 522-ի։ ՏԱՍՍ-ի փոխանցմամբ՝ այս մասին հայտնել է Թուրքիայի գյուղատնտեսության նախարար Բեքիր Պակդեմիրլին։
«Վերջին տվյալներով՝ երկրաշարժի հետևանքով 12 մարդ է մահացել, 522 վիրավոր կա»,- ասել է նա։
Ավելի վաղ հաղորդվել էր 438 տուժածի մասին։ Որոնողա-փրկարարական աշխատանքները շարունակվում են 17 փլուզված շենքերում։
Միաժամանակ, սեյսմոլոգները հաղորդել են Թուրքիայում գրանցված երկրորդ երկրաշարժի մասին, որի ուժգնությունը կազմել է 5.1 բալ։
Հիշեցնենք, որ Իզմիրում այսօր 6.6 մագնիտուդով երկրաշարժ է տեղի ունեցել։ 6.9 մագնիտուդով ստորգետնյա ցնցումներ են գրանցվել նաև հունական կղզիներում։
