19.01.2026 | 23:38
Ռուբիոն բարձր է գնահատել Ադրբեջանի կառավարության կողմից Հայաստան վառելիքի մատակարարումները
2 միլիոն եվրո՝ ԼՂ-ին օգնելու համար․ Գերմանիան կոչ է արել միջազգային հանրությանը ճնշում գործադրել հակամարտող կողմերի վրա
Քաղաքականություն
30.10.2020 | 15:19
Գերմանիան Կարմիր խաչի միջազգային կոմիտեին (ԿԽՄԿ) 2 միլիոն եվրո (ավելի քան 2,3 մլն ԱՄՆ դոլար) կհատկացնի Ադրբեջանի ագրեսիայից տուժած Լեռնային Ղարաբաղին՝ մարդասիրական օգնություն տրամադրելու նպատակով: Times Now-ի հաղորդմամբ՝ այս մասին հայտնել է Գերմանիայի արտգործնախարար Հայկո Մաասը։
«Կարմիր խաչը, որը միակ մարդասիրական կազմակերպությունն է, որը հասանելիություն ունի հակամարտության գոտուն, խնդրել է միջազգային հանրությանը 9 միլիոն եվրո հատկացնել հրատապ կարիքների համար։ Գերմանիան 2 միլիոն եվրո կհատկացնի»,- հայտարարել է Մաասը խորհրդարանական լսումների ժամանակ։
Նախարարը շեշտել է, որ ձմեռ է մոտենում և Լեռնային Ղարաբաղն առերսվելու է սննդի մատակարարման հարցում մեծ խնդիրների հետ։
Մաասը նաև կոչ է արել Հայաստանին ու Ադրբեջանին առանց նախապայմանների դադարեցնել ռազմական գործողությունները՝ հավելելով, որ միջազգային հանրությունը պետք է ճնշում գործադրի հակամարտող կողմերի վրա ՝ զինադադարը պահպանելու համար։
«Ադրբեջանն ու Հայաստանը պետք է վերջապես հասկանան, որ հակամարտության ռազմական լուծումն ընդունելի չի լինի միջազգային հանրության կողմից»,- հավելել է նախարարը։
Տաթև Ֆռանգյան
