17.09.2026 | 21:00
2,6 մլն՝ Փաշինյանին, 2,1 մլն՝ նախարարներին․ զգալի կբարձրանա պաշտոնայների աշխատավարձը. ՏԵՍԱՆՅՈՒԹ
Սիրիայում ՌԴ կործանիչների հարվածներից հետո Թուրքիայի ԶՈՒ-ն հեռացել է այդ տարածքներից
Քաղաքականություն
30.10.2020 | 13:09
Սիրիայի նախագահ Բաշար Ասադի վարչակազմի ուժերը, ՌԴ նշանակալի աջակցությամբ, շարունակում են «Իսլամական պետության» ահաբեկիչներից մաքրել այն տարածքները, որտեղ այդ կազմակերպության բջիջներն ակտիվացել էին, մասնավորապես՝ Համա, Հոմս, Ալ-Ռաքքա և Դեյր Զոր անապատային շրջաններում: Այս մասին հայտնում է Սիրիայում մարդու իրավունքների դիտարկման կենտրոնը (SOHR)։
Այս առնչությամբ SOHR-ի աղբյուրները հայտնում են, որ շուրջ 20 ռուսական կործանիչներ և Ասադի վարչակազմին պատկանող մի քանի ուղղաթիռներ հարվածներ են հասցնում Ալ-Ռաքքա անապատում և Համայի արևելյան արվարձաններում ահաբեկիչների դիրքերին:
Իր հերթին Al-Masdar News-ը հայտնում է, որ այսօր թուրքական ԶՈՒ-ն սկսել է դուրս բերել ուժերը Համայի հյուսիս-արևմուտքում գտնվող իր դիտակետից:
Համա նահանգում SOHR-ի դաշտային աղբյուրի տեղեկությունների համաձայն՝ Թուրքիայի զինված ուժերի՝ Շեր Մաղեր ռազմական կետից դուրսբերումը վերահսկել է Սիրիայի Արաբական բանակը (SAA)։
Տեղեկացվում է, որ թուրք զինվորականները ճանապարհ են ընկել դեպի Իդլիբ նահանգի հարավային շրջաններ ու պետք է տեղակայվեն Քաֆին քաղաքում։
Տաթև Ֆռանգյան
