19.01.2026 | 21:25
Սևան-Մարտունի-Գետափ ճանապարհին մեքենաներ են բախվել. կան տուժածներ
Ֆրանսիայում հայտարարվել է ահաբեկչության սպառնալիքի ամենաբարձր աստիճան
Քաղաքականություն
29.10.2020 | 17:26
Ֆրանսիական Նիցցա քաղաքի Նոստր Դամ եկեղեցում կատարված երեք հոգու սպանությունից ու Ավինյոնում ոստիկանների վրա հարձակումից հետո, Ֆրանսիայում հայտարարվել է ահաբեկչության սպառնալիքի ամենաբարձր աստիճանը։ Հաղորդում է DW-ն։
Ինչպես Փարիզում հայտնել է Ֆրանսիայի վարչապետ Ժան Կաստեքսը, այս ռեժիմը տարածվում է երկրի ամբողջ տարածքի վրա։ Կաստեքսը Նիցցայում կատարված հանցագործությունը անվանել է «վախկոտ ու բարբարոսական գործողություն, որը սգում է ամբողջ երկիրը»։
Նշենք, որ Նիցցայի Նոտր Դամ եկեղեցու վրա դանակով հարձակման հետևանքով զոհվել է երեք հոգի, կան վիրավորներ։ Ոստիկանության աղբյուրների համաձայն՝ մի կին գլխատվել է։ Հաղորդվում է, որ հարձակվողը առավոտյան մտել է եկեղեցի ու դանակով մարդկանց վրա հարձակվել։
LE Figaro-ի տվյալներով՝ կանանցից մեկը սպանվել է եկեղեցում, մյուսը՝ կողքին գտնվող սրճարանի մոտ, որտեղ ցանկացել է թաքնվել հանցագործից։ Երրորդ զոհը տղամարդ է։
Հարձակվողին հաջողվել է ձերբակալել։ Նիցցայի քաղաքապետ Քրիստիանա Էստրոզիի խոսքով՝ ձերբակալման ժամանակ տղամարդը հրազենային վնասվածք է ստացել ու տեղափոխվել հիվանդանոց։ Էստրոզին ասել է, որ տղամարդը ձերբակալումից հետո պարբերաբար բղավել է «Ալլահ աքբար»։
Էմմա Չոբանյան
