07.06.2026 | 00:08
Ձերբակալվել է Բյուրական համայնքի նախկին ղեկավար Զարզանդ Գրիգորյանը
Հիտլերին էլ ներեցին, արդյունքում ունեցանք 2-րդ համաշխարհային. Արտակ Մանուկյանը՝ ադրբեջանաթուրքական սադրանքների մասին. ՏԵՍԱՆՅՈՒԹ
Քաղաքականություն
29.10.2020 | 15:00
Վարքագծի առումով թուրքը մնացել է նույն թուրքը: Եթե նայենք այն վավերագրական կադրերը, որում երևում է, թե ինչ են իրականացրել ցեղասպանության ժամանակ և հետո ինչ են իրականացրել Գանձակում, Սումգայիթում, կտեսնենք, որ նույն ձեռագիրն է. փնտրում են հայերին, որոնք այդ ժամանակահատվածում անջատ են եղել, չեն կարողացել դիմադրել և նրանց հետ հաշվեհարդար են տեսել: Այս մասին Factor.am-ի հետ զրույցում ասաց ԱԺ «Իմ քայլը» խմբակցության պատգամավոր Արտակ Մանուկյանը՝ անդրադառնալով դիտարկմանը, որ տարբեր երկրներում խախաղ ցույցեր անցկացնող հայերի վրա հարձակումներ են լինում և նախօրեին Ֆրանսիայում էին խաղաղ ցույցի ժամանակ մուրճերով հարձակվել հայերի վրա:
«Մենք գործ ունենք մի երևույթի հետ, որը նաև անպատժելիության հետևանք է: Եվրոպական երկրները, ատամները կրճտացնելով, բայց հանդուրժել են Էրդողանի արկածախնդիր կեցվածքը, և հասել ենք կրիտիկական կետի: Եվրոպան պետք է դասեր քաղի իր սխալներից: Երբ որ Հիտլերին էլ ներեցին, ենթադրելով, որ իրենց երկիր չի հասնի վտանգը, արդյունքում ունեցանք 2-րդ համաշխարհային պատերազմ: Պետք է կանխել վտանգը, ոչ թե սպասել և հետևանքների դեմ պայքարել: Կանխել ասելով՝ նկատի ունեմ նաև տնտեսական լրջագույն պատժամիջոցներ կիրառելը: Ակնհայտ է, որ այն գումարները, որ գնում են Թուրքիայի տնտեսության ֆինանսավորմանը, խոչընդոտում են աշխարհում խաղաղությունը:
Մանրամասները՝ տեսանյութում:
