Քաղաքականություն
28.10.2020 | 18:22
Անհայտ հաքերները կոտրել են ԱՄՆ նախագահ Դոնալդ Թրամփի նախընտրական շտաբի կայքէջը։ Այս մասին հայտնել է Թրամփի ընտրարշավի մամուլի քարտուղար Թիմ Մերթոուն, գրում է DW-ի ռուսական ծառայությունը։
«Մենք իրավապահ մարմինների հետ միասին աշխատում ենք հետաքննության ուղղությամբ, որը կբացահայտի հարձակման հեղինակներին», – Twitter-ի իր էջում գրել է Մերթոուն։
Նրա խոսքով՝ չարագործները գաղտնի տեղեկություններին հասանելիություն չեն ստացել, քանի որ դրանք կայքում չեն պահպանվել։
Ավելի ուշ կայքէջի աշխատանքը վերականգնվել է։
Տաթև Ֆռանգյան
