09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Ֆիլադելֆիայում աֆրոամերիկացու սպանությունից հետո արդեն երկրորդ օրն է՝ ջարդուփշուր են անում խանութներ
Քաղաքականություն
28.10.2020 | 18:43
ԱՄՆ Փենսիլվանիա նահանգում ոստիկանական գնդակից աֆրոամերիկացու մահվան դեպքից հետո արդեն երկրորդ գիշերն է շարունակվում են անկարգությունները։
«Մոտ 1000 մարդուց բաղկացած խումբը ջարդուփշուր է անում Քասթոր ու Արամնիգո շրջանների խանութները»,- հայտարարել են տեղի ոստիկանությունից, փոխանցում է DW-ի ռուսական ծառայությունը։
Ֆիլադելֆիայում անկարգություններն սկսվել են այն բանից հետո, ինչ ոստիկանները գնդակահարել են 27-ամյա աֆրոամերիկացու։
«Այդ տղամարդը զինված է եղել դանակով ու հրաժարվել է այն վայր գցել, չնայած բազմաթիվ պահանջներին։ Կասկածյալը շարժվել է դեպի ոստիկանները, ինչից հետո իրավապահները մի քանի անգամ կրակել են նրա վրա»,- հայտարարել է ոստիկանության ներկայացուցիչը։
Հավելենք՝ հոկտեմբերի 27-ի գիշերը՝ բախումների առաջին ալիքի ժամանակ վիրավորվել են մի քանի ոստիկաններ, անկարգությունների մի քանի մասնակից ձերբակալվել է։
Տաթև Ֆռանգյան
