15.12.2025 | 23:44
Ադրբեջանը պետք է դադարեցնի անձանց հսկողության MIRAS համակարգի ներդրումը. HRW
Հայաստանում աշխարհազոր է ստեղծվում․ ԱԺ-ն ամբողջությամբ ընդունեց նախագիծը
Հասարակություն
28.10.2020 | 15:43
ԱԺ պատգամավորները երկրորդ ընթերցմամբ և ամբողջությամբ ընդունեցին «Պաշտպանության մասին» Հայաստանի Հանրապետության օրենքում լրացումներ կատարելու մասին և հարակից օրենքներում լրացումներ կատարելու մասին օրենսդրական փաթեթը, որով սահմանվում է «աշխարհազոր» եզրույթը:
Օրենքի նախագիծն առաջին ընթերցմամբ ընդունվեց միաձայն` 67 կողմ ձայնով:
ԱԺ արտահերթ նիստում նախագիծը ներկայացրեց Պաշտպանության նախարարի տեղակալ Գաբրիել Բալայանը:
«Օրենսդրորեն սահմանվում է աշխարհազոր եզրույթը, որպես ՀՀ-ի վրա զինված հարձակման, դրա անմիջական վտանգի առկայության կամ ռազմական գործողությունների պայմաններում ՀՀ զինված պաշտպանությանը կամավորության սկզբունքով քաղաքացիների մասնակցության համար: Աշխարհազորը գործելու է տարածքային սկզբունքով և ըստ ՀՀ վարչատարածքային բաժանման, պայմանականորեն բաղկացած է լինելու զորամիավորումներից, դրանց ենթակա բրիգադներից և գումարտակներից: Աշխարհազորի ընդհանուր ղեկավարումն իրականացնում է Հայաստանի Հանրապետության զինված ուժերի գլխավոր շտաբի պետը` զինված ուժերի պատրաստության գլխավոր վարչությունում ձևավորված աշխարհազորային շտաբի միջոցով»,- ասաց Բալայանը:
