08.11.2024 | 12:34
Երևանի 40–ամյա բնակիչը կալանավորվել է՝ մեծաքանակ թմրամիջոցների ապօրինի շրջանառության մեղադրանքով․ ՔԿ
Թուրքիան Միջին Ասիայի երկրներին ռազմական համագործակցություն է պարտադրում․ «Военное обозрение»
Քաղաքականություն
28.10.2020 | 13:59
Թուրքիան Միջին Ասիայի երկրներին ռազմական համագործակցություն է պարտադրում։ Այս մասին գրում է «Военное обозрение»-ն՝ ներկայացնելով Թուրքիայի պաշտպանության նախարար Հուլուսի Աքարի՝ միջինասիական մի շարք երկրներ այցերի մասին, որոնց նպատակը ռազմական ոլորտում համագործակցության ամրապնդումն ու ընդլայնումն է։
Նշվում է, որ թուրք նախարարը Պակիստանից հետո Ղազախստան է գնացել, որտեղ իր պաշտոնակից Նուրլան Երմեկբաևի հետ հանդիպմանը պայմանավորվածություն է ձեռք բերվել ռազմատեխնիկական ոլորտում համագործակցության հետագա ընդլայնման մասին։ Ըստ հրապարակման՝ Նուր Սուլթանում Անկարային ռազմավարական գործընկեր են կոչել։
Հուլուսի Աքարն այցելել է նաև Ուզբեկստան, որտեղ հանդիպել է երկրի նախագահ Շավքաթ Միրզոևի և պաշտպանության նախարար Բոհադիր Կուրբանովի հետ։ Հանդիպումների արդյունքներով Թուրքիայի և Ուզբեկստանի պաշտպանության նախարարները երկու երկրների միջև ռազմական և ռազմատեխնիկական համագործակցության զարգացման մասին համաձայնագիր են ստորագրել։
