10.09.2026 | 11:35
Թրամփը հայտարարել է, որ Իրանի հետ պատերազմը կավարտվի ԱՄՆ միջանկյալ «ընտրություններից անմիջապես հետո»
Խախտումներ են արձանագրվել մարզային պոլիկլինիկաներում և շտապօգնության կայաններում․ ներկայացվեցին ուսումնասիրության արդյունքները
Հասարակություն
21.12.2017 | 18:09
Ժուռնալիստների «Ասպարեզ» ակումբն այսօր ներկայացրեց առողջապահական համակարգի հաստատությունների աշխատանքի վերաբերյալ իրականացված մարզային մոնիթորինգի արդյունքները: Մարզային 30 բժշկական հաստաստություններում՝ 10 շտապօգնության կայաններում և 20 պոլիկլինականերում իրականացված ուսումնասիրությունը ցույց է տվել, որ անհրաժեշտ է ոչ միայն ավելացնել շտապօգնության մեքենաների, բրիգադների քանակը, այլև եղածներն էլ գտնվում են վատթար վիճակում, տեխնիկապես հագեցած չեն և որոշ դեպքերում էլ դեպքի վայր են հասնում ուշացումով։
Մոնիթորինգի հիմնական մասն իրականացվել է պացիենտների և բուժաշխատողների շրջանում անցկացված հարցումների միջոցով։ 1,5 տարվա ընթացքում կատարված ուսումնասիրության արդյունքում խախտումներ են արձանագրվել նաև պոլիկլինիկաներում։ Հիմնական դժգոհությունը եղել է շենքերի անբավարար պայմաններից, սարքավորումների բացակայությունից, տրամադրվող դեղերի որակից։
Այս ամենին զուգահեռ խնդիրներ են եղել նաև սպասարկման և անվճար բժշկական օգնության հետ կապված։ «Ասպարեզ» ակումբի նախագահ Լևոն Բարսեղյանը նշեց, որ զեկույցը կտրամադրվի Առողջապահության նախարարությանը։ Նա հույս հայտնեց, որ նախարարությունից հետևողական կլինեն և մատնանշված խնդիրները կկարգավորվեն։
Լիլիթ Շաբոյան
