13.05.2026 | 18:13
«Հայաստան» դաշինքի անդամները՝ Ռոբերտ Քոչարյանի գլխավորությամբ, Արթիկում են. ՈւՂԻՂ
Թուրքիայի արտգործնախարարը ստում է, նույն տրամաբանությամբ կարող ենք հայտարարել, որ Թուրքիան խոստացել է ճանաչել Արցախի անկախությունը. Տիգրան Բալայան
Քաղաքականություն
21.12.2017 | 17:13
ՀՀ ԱԳՆ մամուլի քարտուղար Տիգրան Բալայանը պատասխանել է «Արմենպրես» գործակալության այն հարցին, թե ինչպես է մեկնաբանում Թուրքիայի արտգործնախարարի այն հայտարարությունը, թե իբր հայ-թուրքական արձանագրությունները ստորագրվել են որոշակի նախապայմաններով։
«Թուրքիայի արտգործնախարարը պարզապես ստում է։ Եթե նույն տրամաբանությամբ շարժվենք, ապա կարող ենք հայտարարել, թե արձանագրությունների բանակցման ընթացքում Թուրքիան խոստացել է, որ ճանաչելու է Արցախի անկախությունը:
Կրկին հիշեցնենք, որ բանակցությունները 2008թ.-ին մեկնարկեցին թուրքական կողմի հետ հենց այն փոխադարձ համաձայնությամբ, որ այդ գործընթացը չի կարող ունենալ որևիցե նախապայման։ Այս համաձայնության հիման վրա ընթացան բանակցությունները և ստորագրվեցին ցյուրիխյան արձանագրությունները։
Նախապայմանների բացակայության մասին բազմիցս են հայտարարել գործընթացին լավատեղյակ տարբեր մայրաքաղաքներից»,- պատասխանել է Բալայանը:
