19.01.2026 | 21:38
Ստեփանծմինդա-Լարս ավտոճանապարհը փակ է
17 մլն դրամի վարկային ծրագիր՝ համայնքներում սոցիալ-տնտեսական ներդրումների համար․նախագիծը քննարկվում է. ՏԵՍԱՆՅՈՒԹ
Տնտեսություն
27.10.2020 | 11:34
Ազգային ժողովում քննարկվում է Հայաստանի Հանրապետության և Վերակառուցման և զարգացման միջազգային բանկի միջև 2020թ. ստորագրված վարկային համաձայնագիրը վավերացնելու մասին օրենքի նախագիծը: Ըստ նախագծի՝ նախատեսվում է լրացուցիչ 17 մլն եվրո ներգրավել:
Հայաստանի Հանրապետության և Վերակառուցման և զարգացման միջազգային բանկի միջև 2020 թվականի ապրիլի 21-ին ստորագրված «Սոցիալական ներդրումների և տեղական զարգացման ծրագրի համար լրացուցիչ ֆինանսավորում» վարկային համաձայնագիրը վավերացնելու մասին օրենքի նախագիծը ԱԺ-ում ներկայացրեց ՀՀ տարածքային կառավարման և ենթակառուցվածքների փոխնախարար Վաչե Տերտերյանը: Նա նշեց, որ համաձայնագրով առաջարկվում է շարունակել Տարածքային զարգացման հիմնադրամի կողմից իրականացվող նախկին երկու ծրագրերը, որոնք ուղղված էին համայնքներում սոցիալական նշանակության ենթակառուցվածքների զարգացմանը:
Տերտերյանը տեղեկացրեց, որ մինչ այժմ իրականացված վերջին ծրագրի արժեքը 30 մլն դոլար էր: Իրականացված ծրագրի շրջանակում վերակառուցվել են մանկապարտեզներ, դպրոցներ, ինչպես նաև առողջապահական հաստատություներ: Բացի այդ՝ գույքով են ապահովվել որոշ մանկապարտեզներ և դպրոցներ:
«Առաջարկվող համաձայնագրով լրացուցիչ ֆինանսավորում ենք ակնկալում ստանալ, որը կկազմի շուրջ 17 մլն եվրո: Այս ծրագիրը մենք գնահատում ենք արդյունավետ», – ընդգծեց Տերտերյանը:
Մանրամասները՝ տեսանյութում:
