12.10.2026 | 22:59
Հայտնաբերվել է 505 ոչ սթափ վարորդ․ պարեկների անցած շաբաթվա ծառայության արդյունքները
Բայդենը Ռուսաստանին ԱՄՆ-ի համար գլխավոր սպառնալիք է կոչել
Քաղաքականություն
26.10.2020 | 17:44
Դեմոկրատական կուսակցությունից ԱՄՆ նախագահի թեկնածու Ջո Բայդենը միջազգային քաղաքական հարթակում Ռուսաստանին Միացյալ Նահանգների գլխավոր սպառնալիքն է համարում։ Այս մասին նա հայտարարել է CBS-ին տված հարցազրույցում, գրում է DW-ի ռուսական ծառայությունը։
«Ես կարծում եմ, որ ԱՄՆ-ի համար ամենակարևոր սպառնալիքը մեր անվտանգության խախտման առումով Ռուսաստանն է»,- ասել է Բայդենը։
Նա նաև հավելել է, որ «Վլադիմիր Պուտինն ամեն կերպ ջանում է» ապատեղեկատվություն տարածել իր մասին։ Իսկ Չինաստանին ԱՄՆ նախագահի թեկնածուն անվանել է լուրջ մրցակից Վաշինգտոնի համար։
Ինչ վերաբերում է գործող նախագահ Դոնալդ Թրամփին, ապա վերջինը Վաշինգտոնի համար գլխավոր սպառնալիք է համարում Չինաստանին։ «Նրանք հակառակորդ են, նրանց մրցակից են, նրանց բազմաթիվ առումներով թշնամի են»,- Չինաստանի մասին Թրամփի խոսքերն է վկայակոչել dpa գործակալությունը։
