18.12.2025 | 21:24
Պաշտոնական այցերից ինչ նվերներով են վերադարձել ԱԺ նախագահը, ԱԳ նախարարն ու ԱԽ քարտուղարը
Աղոթում եմ, որ գերտերությունները միջամտեն, պինդ կացեք, Աստված Ձեզ օրհնի․ Մել Գիբսոնի ուղերձը հայերին. ՏԵՍԱՆՅՈՒԹ
Քաղաքականություն
26.10.2020 | 13:02
Հոլիվուդյան դերասան և ռեժիսոր Մել Գիբսոնը ուղերձ է հղել ու հայտարարել, որ աղոթում է ինչպես ամբողջ հայության, այնպես էլ հակամարտության խաղաղ լուծման համար։
«Խոր ցավով տեղեկացա հայկական Արցախում հակամարտության վերջին սրման մասին։ Ես այստեղ՝ Ամերիկայի Միացյալ Նահանգներում, բազմաթիվ հայ ընկերներ ունեմ, և նրանք պատմում են իրենց տառապանքի, մտերիմների կորստի մասին։
Ես շատ եմ հարգում հայ ազգին, որ շատ ամուր է ու մեծահոգի: Հայերը ստիպված են եղել հսկայական դժվարությունների բախվել, այդ մարդկանց կարողություններն անսահման են»,- ասել է դերասանը։
«Այս բարդ ժամանակներում աղոթում եմ ձեզ համար։ Նաև աղոթում եմ, որ գերտերությունները միջամտեն և խաղաղ լուծում գտնվի: Ես հույս ունեմ, որ դուք խաղաղության կհանգեք։
Ընկերնե՛ր, պինդ կացե՛ք, շարունակեք անել ձեր գործը, և թող Աստված օրհնի ձեզ»,-ընդգծել է Մել Գիբսոնը։
Մանրամասները՝ տեսանյութում:
