29.04.2026 | 10:20
Դրամն արժևորվել է․ արտարժույթների փոխարժեքները՝ ապրիլի 29-ի դրությամբ
ԱՄՆ-ը պետք է շարունակի ճնշումը Ալիևի և Էրդողանի վրա․ Ադամ Շիֆ
Քաղաքականություն
26.10.2020 | 12:04
ԱՄՆ կոնգրեսական Ադամ Շիֆը հայտարարել է, որ երեկ հանդիպել է Հայաստանի արտգործնախարար Զոհրաբ Մնացականյանի հետ։ Այս մասին նա գրել է Twitter-ի իր միկրոբլոգում։
Շիֆը նշել է, որ Մնացականյանի հետ քննարկել է Արցախում հրադադարի հաստատմանն ուղղված ջանքերը և Ադրբեջանի ու Թուրքիայի շարունակվող մահաբեր ագրեսիան։
«ԱՄՆ-ը պետք է շարունակի ճնշումը Ալիևի և Էրդողանի վրա՝ դադարեցնելու այս պատերազմը»,- գրել է կոնգրեսականը:
Հիշեցնենք, որ հրադադարի մասին փաստաթուղթը կիրակի տարածել էր ԱՄՆ Պետքարտուղարությունը, որը պետք է ուժի մեջ մտներ հոկտեմբերի 26-ին, տեղական ժամանակով ժամը 08։00-ին։ ՀՀ ՊՆ խոսնակ Շուշան Ստեփանյանը հայտարարել է, որ կոպտորեն խախտելով ԱՄՆ-ում ձեռք բերված հումանիտար հրադադարի մասին պայմանավորվածությունը՝ ադրբեջանական կողմը ժամը 8:45-ի սահմաններում հրետանային կրակ է վարել Արցախի հյուսիսարևելյան մարտական դիրքերի ուղղությամբ։
Տաթև Ֆռանգյան
