16.06.2026 | 13:08
ԱԱ-2026․ Պայքարը սկսում են աշխարհի չեմպիոնն ու փոխչեմպիոնը
ՄԱԿ-ի գլխավոր քարտուղարը ողջունել է Հայաստանի ու Ադրբեջանի միջև հրադադարի շուրջ ձեռք բերված պայմանավորվածությունը
Քաղաքականություն
26.10.2020 | 11:11
ՄԱԿ-ի գլխավոր քարտուղար Անտոնիո Գուտերեշը դրական է գնահատել Բաքվի ու Երևանի միջև հրադադարի ռեժիմի շուրջ ձեռք բերված պայմանավորվածությունը, որը պետք է ուժի մեջ մտներ հոկտեմբերի 26-ին։ Այս մասին հայտնում է ՏԱՍՍ-ը։
«Գլխավոր քարտուղարը ողջունում է ԱՄՆ-ի, Հայաստանի ու Ադրբեջանի համատեղ հայտարարությունը, որում ասվում է, որ հումանիտար զինադադարը, որը հոկտեմբերի 10-ին համաձայնեցվել էր Մոսկվայում ու հոկտեմբերի 17-ին հաստատվել Փարիզում, ուժի մեջ կմտնի հոկտեմբերի 26-ին տեղի ժամանակով ժամը 08։00-ին»,- նշվում է ՄԱԿ-ի գլխավոր քարտուղարի պաշտոնական ներկայացուցիչ Սթեֆան Դյուժարիկի հայտարարության մեջ։
Հիշեցնենք, որ հրադադարի մասին փաստաթուղթը կիրակի տարածել էր ԱՄՆ Պետքարտուղարությունը։
ՀՀ ՊՆ խոսնակ Շուշան Ստեփանյանը հայտարարել է, որ կոպտորեն խախտելով ԱՄՆ-ում ձեռք բերված հումանիտար հրադադարի մասին պայմանավորվածությունը՝ ադրբեջանական կողմը ժամը 8:45-ի սահմաններում հրետանային կրակ է վարել Արցախի հյուսիսարևելյան մարտական դիրքերի ուղղությամբ։
Տաթև Ֆռանգյան
