12.01.2025 | 00:54
Կիևյան փողոցի տներից մեկում հրդեհ է բռնկվել. դեպքի վայր է մեկնել չորս մարտական հաշվարկ
Եթովպիային զայրացրել է «ամբարտակը պայթեցնելու» մասին Թրամփի հայտարարությունը
Քաղաքականություն
25.10.2020 | 18:11
Եթովպիայի վարչապետը հայտարարել է, թե իր երկիրը «չի հանձնվի որեւէ տեսակի ագրեսիայի» այն բանից հետո, երբ ԱՄՆ-ի նախագահ Դոնալդ Թրամփն ասաց, որ Եգիպտոսը կարող է ոչնչացնել Նեղոսի վիճահարույց ամբարտակը:
«Մեծ եթովպիական վերածննդի ամբարտակը» արդեն երկար ժամանակ է դարձել վիճաբանությունների առարկա Եթովպիայի, Եգիպտոսի եւ Սուդանի միջեւ:
Թրամփը հայտարարել էր, թե Եգիպտոսը չի կարող հանդուրժել ամբարտակի գոյությունը եւ կարող է «պայթեցնել» կառույցը:
Եթովպիան գտնում է, որ Միացյալ Նահանգներն այս հարցում կողմնակալ դիրք է գրավում հօգուտ Եգիպտոսի:
Եգիպտոսը իրեն անհրաժեշտ ջրի կարիքները հոգում է հիմնականում Նեղոս գետի հոսքով, եւ այժմ մտահոգված է, որ ամբարտակի պատճառով գետի ջրի հոսքը կկրճատվի, ինչի արդյունքում իր տնտեսությունը մեծապես կտուժի:
Նեղոսի վրա կառուցվող ամբարտակը, որի համար ծախսվել է չորս միլիարդ դոլար, կառուցումների վերջնական փուլն ավարտվելուց հետո, կդառնա Աֆրիկայի ամենահզոր հիդրոէլեկտրակայանը:
Սուդանը նույնպես մտահոգություններ ունի` կապված այս ամբարտակի հետ:
Երեք այս երկրների միջեւ բանակցությունները նախագահել է Միացյալ Նահանգները: Այժմ գործընթացը շարունակում է Աֆրիկյան միությունը:
