18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Կորոնավիրուսի նոր ալիքի ընթացքում գրանցվել է ռեկորդային ցուցանիշ
Քաղաքականություն
25.10.2020 | 14:44
ԱՄՆ-ում կորոնավիրուսի նոր դեպքերի թիվը մեկ օրում գրանցել է ռեկորդային բարձր ցուցանիշ: Ուրբաթ օրվա տվյալներով, այստեղ մեկ օրում հայտնաբերվել է վարակի նոր 83.010 դեպք. գրում է VOA-ն:
Երկրի գլխավոր վիրաբույժ Ջերոմի Ադամսն ասել է, թե աճում է հիվանդանոց ընդունվող հիվանդների թիվը, սակայն, ասել է նա, անկում է ապրել մահացությունների թիվը: Դրա պատճառը, բժշկական անձնակազմերի փորձառությունն է:
Առողջապահության համաշխարհային կազմակերպության կողմից հրապարակված հայտարարության մեջ ասված է, թե երկրագնդի հյուսիսային կիսագնդի երկրները գտնվում են «վճռական հանգույցում»:
Կազմակերպության գլխավոր տնօրեն Թեդրոս Գեբրեյեսուսի խոսքերով. «Հաջորդ մի քանի շաբաթները շատ ծանր են լինելու, եւ մի քանի երկրներ հայտնվել են վտանգավոր գոտում»:
ԱՄՆ-ում կորոնավիրուսով մինչ այժմ վարակվածների թիվն անցնում է 8 եւ կես միլիոնը:
Վերջին վեց օրերի ընթացքում մահացողների թիվը շարունակում է գրանցել կայուն աճ, սակայն արդեն չի հասնում ապրիլ ամսվա ամենաբարձր ցուցանիշին, երբ այս հիվանդությանն ամեն օր զոհ էր գնում ավելի քան երկու հազար մարդ:
Այլ հաղորդագրությունների համձայն, AstraZeneca եւ Johnson & Johnson դեղագործական ընկերությունները վերսկսել են ամերիկյան պատվաստանյութերի փորձարկումները:
