28.08.2026 | 21:27
Կենտրոնում ամբողջ շաբաթ փոշու պարունակությունը գերազանցել է թույլատրելի կոնցենտրացիան
Ուկրաինան պատրաստվում է արտադրել թուրքական Bayraktar անօդաչու թռչող սարքեր
Տնտեսություն
24.10.2020 | 15:32
Ուկրաինան մտադիր է իր տարածքում արտադրել թուրքական Bayraktar անօդաչու թռչող սարքեր: Ներկայում ընտրվում են հարթակները նման արտադրություն կազմակերպելու համար: «Արմենպրես»–ի հաղորդմամբ, ռազմական թեմաների լուսաբանմամբ զբաղվող «Военное обозрение»-ն նշում է, որ այդ մասին հայտնել է Ուկրաինայի փոխվարչապետ Օլեգ Ուրուսկին:
«Թուրքական կողմը պատրաստ է ներդրումներ կատարել: Մեզնից նրանք ակնկալում են հարթակ՝ համապատասխան պահանջներով, որոնց հիման վրա նրանք կհիմնեն արտադրությունը, արդյունքում կարտադրվեն այդ սարքերը»,-ասել է նա:
Փոխվարչապետի խոսքով, ավելի վաղ թուրքերը մտադիր էին այդ արտադրությունը տեղակայել «Укроборонпрома» կազմակերպությունում, սակայն վերջերս փոխել են որոշումը և հայտարարել, որ պատրաստ են կառուցել առանձին ընկերություն: Նա ընդգծել է, որ ընկերությունում աշխատելու են ուկրաինացի ինժեներները:
Դրանից բացի, Կիևն ու Անկարան դիտարկում են այլ ուղղություններով ևս համատեղ ընկերություններ ստեղծելու հնարավորությունը:
