13.12.2024 | 13:24
ԱՄՆ-ն Ուկրաինային 500 մլն դոլարի ռազմական օգնություն կտրամադրի
Իշխանության համար դա շատ լավ գործիք է բնակչությանն ահաբեկելու. Ավետիք Իշխանյանը՝ ԱԱԾ հայտարարության մասին
Հասարակություն
20.12.2017 | 17:36
Հայաստանի Հելսինկյան կոմիտեի նախագահ Ավետիք Իշխանյանը թերահավատորեն է մոտենում օրեր առաջ Ազգային անվտանգության ծառայության տարածած հաղորդագրությանը, որով ԱԱԾ-ն հայտնում էր՝ ազգությամբ հայ, ԱՄՆ քաղաքացի Ռ.Ք.-ն Հայաստանում իրավիճակն ապակայունացնելու, բնակչությանն ահաբեկելու, վախի մթնոլորտ ձևավորելու, պետական իշխանության մարմինների վրա ապօրինի ճնշում գործադրելու նպատակով ՀՀ իրավապահ մարմինների, ինչպես նաև այլ պաշտոնատար անձանց մահվան կամ ծանր մարմնական վնասվածքներ պատճառելու, նշված հետևանքների իրական սպառնալիքներ ստեղծելուն ուղղված հրկիզումներ, պայթյուններ և հանրավտանգ այլ գործողություններ իրականացնելու համար մարդկանց հավաքագրելով փորձել է ստեղծել հանցավոր համագործակցություն՝ դրան մասնակից դարձնելով ինչպես Հայաստանում, այնպես էլ դրա սահմաններից դուրս բնակվող ազգությամբ հայ քաղաքացիների:
«Ընդունենք, որ այդ ամենը ճիշտ է, իհարկե, պետք է մտածենք այդ ամենը կանխելու մասին, բայց հասարակության մեջ չկան քննարկումներ, թե ինչու են նման բաներ լինում՝ սկսած «Սասնա ծռերից», դրանից առաջվա խմբից, որը Նորքում ձերբակալվեց և այլն…»,- նշեց իրավապաշտպանը:
Ըստ Իշխանյանի՝ երբ որևէ երկրում քաղաքակիրթ քաղաքականությունը մահանում է, ըմբոստները սկսում են մտածել այլ հարթության մեջ իշխանափոխության մասին:
«Սա գուցե բացասական է, բայց բնական է: Ի վերջո, 90-ականներից մինչև այս տարվա ապրիլի 2-ը հետևողականորեն Հայաստանի քաղաքականությունը վերացվեց, իսկ ապրիլի 2-ին դրվեց կնիքը»,- շեշտեց Ավետիք Իշխանյանը:
Մանրամասները՝ տեսանյութում:
