12.06.2026 | 11:11
Արեգնազ Մանուկյանը ՔԿ է հրավիրվել հարցաքննության
Իլհամ Ալիևը բացատրել է, թե ինչու է դժգոհ ԵԱՀԿ Մինսկի խմբի աշխատանքից
Քաղաքականություն
23.10.2020 | 11:26
Ադրբեջանի նախագահ Իլհամ Ալիևը հայտարարել է, որ ԼՂ հակամարտության կարգավորմամբ զբաղվող ԵԱՀԿ Մինսկի խումբը չի կարողացել 30 տարում հասնել որևէ արդյունքի, գրում է ՌԻԱ Նովոստին։
«Վերջերս ասացի որ, Մինսկի խումբը չի կարողացել 30 տարվա ընթացքում հասնել որևէ արդյունքի։ Միևնույն ժամանակ ես ասել եմ, որ Մինսկի խմբի միջնորդության շնորհիվ մենք կարողացել ենք Հայաստանի նախկին իշխանությունների հետ առաջընթաց ունենալ։ Ոչ մեծ, սակայն առաջընթացներ կային։ Սակայն եթե մի խումբ երկրներ չեն կարողանում հասնել արդյունքների 30 տարում, ապա սա ինքնին խոսուն փաստ է: Մինսկի խմբի համանախագահները նաև ՄԱԿ-ի Անվտանգության խորհրդի մշտական անդամ են հանդիսանում։ Այդ երկրների քվեարկությամբ ու մասնակցությամբ ՄԱԿ-ի Անվտանգության խորհրդի 4 բանաձև է ընդունվել ադրբեջանական հողերից հայկական զորքերի լիակատար ու անվերապահ դուրսբերման մասին։ Հարց է առաջանում, ինչո՞ւ այս բանաձևերը չեն իրականացվում։ Քանի որ Մինսկի խմբի համանախագահներն ու մշտական անդամները նույն երկրներ են։ Այսպիսով, այս հարցը բաց է մնում»,- ասել է Ալիևը ճապոնական Nikkei-ին տված հարցազրույցի ժամանակ։
Տաթև Ֆռանգյան
