28.08.2026 | 20:26
Փաշինյանը դիվանագետներին ներկայացրել է Հայաստանի արտաքին քաղաքականության առաջնահերթություններն ու առաջիկա ծրագրերը
Սաադ Հարիրին վերադարձավ վարչապետի պաշտոնին․ Լիբանանի նախագահը նրան հանձնարարել է նոր կառավարություն ձևավորել
Քաղաքականություն
22.10.2020 | 18:12
Լիբանանի նախագահ Միշել Աունը նախկին վարչապետ, «Ալ-Մուսթաքբալ» սունիական շարժման առաջնորդ Սաադ Հարիրիին հանձնարարել է նոր կառավարություն ձևավորել: Այս մասին այսօր հայտնել են պետության ղեկավարի աշխատակազմից, գրում է ՏԱՍՍ-ը:
«Նախագահ Աունը Սաադ Հարիրիին ընդունել է Բաաբդա պալատում և նշանակել նրան վարչապետ՝ հանձնարարելով նոր կառավարություն ձևավորել»,- ասված է հաղորդագրությունում:
Ավելի վաղ Հարիրին խորհրդակցությունների ընթացքում ստացել էր պատգամավորների մեծամասնության աջակցությունը։ Երկրի նախագահը խորհրդակցություններ էր անցկացրել խորհրդարանական խմբակցությունների հետ: Հարիրիի թեկնածությանը կողմ է քվեարկել 128 օրենսդիրներից բաղկացած միապալատ խորհրդարանի 65 անդամ։ 53 պատգամավոր ձեռնպահ է մնացել որևէ թեկնածուի առաջադրումից, 10-ը չի մասնակցել խորհրդակցություններին:
Տաթև Ֆռանգյան
