11.09.2026 | 18:01
Վուչիչը հայտարարել է, որ սեպտեմբերի 25-26-ին հրաժարական կտա Սերբիայի նախագահի պաշտոնից
Խոստացան ԱՄՆ դեսպանի հետ կազմակերպել հանդիպում. Լիանա Ադամյան
Հասարակություն
22.10.2020 | 13:36
Արցախցի կանայք և երեխաները, որոնք այս օրերին ապաստանել են Երևանում, բողոքի ակցիա են իրականացնում ԱՄՆ դեսպանատան դիմաց՝ «Կույր մի՛ եղեք», «Մենք խաղաղություն ենք ուզում», «Կա՛նգ առ, Էրդողան» կարգախոսներով և պահաջելով անտարբեր չմնալ, դատապարտել ադրբեջանաթուրքական ահաբեկչական ագրեսիան և ճանաչել Արցախի անկախությունը:
Ցույցի նախաձեռնության անդամներից 3-ը հրավիրվել էին դեսպանատուն՝ պահանջը ներկայացնելու:
Ավելի ուշ նախաձեռնող խմբի անդամ Լիանա Ադամյանն ասաց, որ հանդիպել են դեսպանատան դիվանագիտական բաժնի պետի հետ: «Հանձնեցինք մեր նամակը դիվանագիտական բաժնի ներկայացուցչին ու ներկայացրեցինք մեր պահանջը, մեր անձնական պատմությունները, հանդիպում պահանջեցինք տիկին Թրեյսիի հետ: Մեզ ընդունեցին՝ մարդկայնորեն կարեկցելով: Բայց մենք նշեցինք մեր պահանջը՝ ԱՄՆ չպետք է անգործ մնա, պետք է գործնական քայլեր կատարի, ճանաչի Արցախի անկախությունը, որովհետև այնտեղ այսօր փորձում են ցեղասպանություն իրականացնել:
Ասացինք, որ սպասելու ենք պատասխանին՝ շատ արագ, այլապես նորից ենք գալու, այստեղ վրաններ ենք դնելու ու ապրելու ենք այստեղ: Մենք ուրիշ հայրենիք, ուրիշ բնակավայր չունենք»,-ասաց Լիանա Ադամյանը:
Մանրամասները՝ տեսանյութում:
