18.11.2024 | 18:41
Շոլցը նախկինի պես համաձայն չէ Ուկրաինային TAURUS թևավոր հրթիռներ մատակարարել
Շուտով դուք տեսնելու եք, թե ինչպես է համազգային բռունցքը խորտակիչ հարված հասցնելու թշնամուն. Սեֆիլյան
22.10.2020 | 12:29
Այս պատերազմը վերջանալու է մեծ հաղթանակով և շատ թանկ է նստելու թշնամու վրա. ոչ միայն Արցախը, այլև Քուռի ամբողջ աջ ափը և Նախիջևանը մաս են կազմելու միացյալ Հայաստանի Հանրապետությանը: Այս մասին այսօր իր ֆեյսբուքյան էջում գրել է Ժիրայր Սեֆիլյանը։
«Արցախաբնակ սիրելի հայրենակիցնե՛ր
Կրկին պատերազմ է և կրկին հիմնական ծանրությունը ձեր ուսերին է:
Բայց դուք մենակ չեք:
Երևանը, Հայաստանի մյուս մարզերը և ամբողջ Սփյուռքը ձեզ հետ են և ձեր թիկունքին են: Սա մի նոր Սարդարապատ է, ուստի համայն հայության և ամբողջ Հայաստանի պատերազմն է:
Երբեք չմտածեք, թե Հայաստանի և հայության ռեսուրսն այն է, ինչ դուք եք տեսնում:
Մենք դեռ նոր ենք մոբիլիզացվում և կազմակերպվում:
Շուտով դուք տեսնելու եք, թե ինչպես է համազգային բռունցքը խորտակիչ հարված հասցնելու թշնամուն:
Այս պատերազմը վերջանալու է մեծ հաղթանակով և շատ թանկ է նստելու թշնամու վրա. ոչ միայն Արցախը, այլև Քուռի ամբողջ աջ ափը և Նախիջևանը մաս են կազմելու միացյալ Հայաստանի Հանրապետությանը:
Պատերազմի նպատակը հենց այդպիսի միասնական, հզոր և ինքնիշխան պետությունն է:
Այդ նպատակի մասին ենք երազում ավելի քան 30 տարի: Դրա համար են իրենց կյանքը զոհաբերում մեր լավագույն զավակները:
Մնացե՛ք կանգուն և անսասան Արցախի ազատ լեռների պես»։
