Հասարակություն
22.10.2020 | 11:28Մենք այստեղ ենք՝ պահանջելու վերջ դնել այն ահաբեկչությանը, որն այսօր տեղի է ունենում Արցախի սահմաններին՝ ընդհուպ մինչև Ստեփանակերտ: Այս մասին ասաց ՀՀ-ում ԱՄՆ դեսպանության շենքի մոտ բողոքի ակցիայի նախաձեռնող խմբի անդամներից մեկը: Բողոքի ակցիա իրականացնող արցախցի կանայք և երեխաները արդարության և լսելի լինելու պահանջ են ներկայացնում:
«Մենք այստեղ ենք՝ պահանջելու վերջ դնել այն ահաբեկչությանը, որն այսօր տեղի է ունենում Արցախի սահմաններին՝ ընդհուպ մինչև Ստեփանակերտ:
ԱՄՆ-ից պահանջում ենք, որպես ՆԱՏՕ-ի անդամ, սանկցիաներ կիրառել Թուրքիայի դեմ և վերջ դնել Թուրքիայի մասնակցությանը ղարաբաղա-ադրբեջանական հակամարտության գործընթացին: Նաև որպես ԵԱՀԿ Մինսկի խմբի համանախագահ՝ միջամտի կոնֆլիկտի խաղաղ կարգավորմանը: Խնդրում ենք, որ ԱՄՆ դեսպանը լսի մեզ, որպեսզի սեպտեմբերի 11-ը չկրկնվի նաև Արցախում»,- նշեց նա:
Ակցիան ընթանում է «Մենք խաղաղություն ենք ուզում», «Կույր մի՛ եղեք», «Կա՛նգն առ, էրդողան» կարգախոսներով:
Մանրամասները՝ տեսանյութում:
