07.12.2025 | 15:56
Մերցը Նեթանյահուի հետ է հանդիպել
ԼՂ բանակցությունները երկարատև են լինելու, բազմաթիվ չլուծված հարցեր կան․ Ջեյմս Ուորլիք
Քաղաքականություն
21.10.2020 | 21:47
ԵԱՀԿ Մինսկի խմբի ամերիկացի նախկին համանախագահ Ջեյմս Ուորլիքը BBC-ի ռուսական ծառայությանը տված հարցազրույցում կարծիք է հայտնել, որ Լեռնային Ղարաբաղի հիմնախնդրի կարգավորման հարցով բանակցությունները երկարատև են լինելու, քանի որ բազմաթիվ չլուծված հարցեր կան։
Լրատվականի հարցին՝ Մինսկի խումբն ինչ-որ լծակներ ունի՞՝ հակամարտության կողմերին բանակցություննների սեղանի շուրջ նստելուն հարկադրելու համար, դիվանագետն ասել է, որ դա ԵԱՀԿ ՄԽ-ի խնդիրը չէ։
«Դա Մինսկի խմբի խնդիրներից չէ։ Հակամարտության կողմերը՝ Հայաստանն ու Ադրբեջանն իրենք պետք է գիտակցեն, որ այն կարող է լուծվել միայն բանակցություններով։ Եվ միայն դրանից հետո համանախագահող երկրները կարող են իրենց դերը խաղալ, այսինքն՝ նրանց բանակցային սեղանի շուրջ նստեցնել։ Ես խոսում եմ ոչ թե Ադրբեջանի նախագահի և Հայաստանի վարրապետի միջև պարզ զրույցի, այլ լիարժեք բանակցությունների մասին։ Դա երկարատև պրոցես է լինելու, քանի որ բազմաթիվ չլուծված հարցեր կան, բայց դրանք պետք է սկսվեն։ Իսկ դրա համար երկու կողմերն էլ պետք է ցույց տան բանակցելու պատրաստակամությունն ու դրանց հանդեպ լուրջ վերաբերմունքը»,- հավելել է Ջեյմս Ուորլիքը։
Հարցազրույցն ամբողջությամբ BBC-ի ռուսական ծառայությունը հրապարակելու է վաղը։
