17.09.2026 | 23:38
Սամվել Կարապետյանի տնային կալանքը երկարաձգվել է
Լսել եմ, որ վարչապետը հանդիպել է Հայաստանի նախկին նախագահների հետ. Մարուքյան. ՏԵՍԱՆՅՈՒԹ
Քաղաքականություն
21.10.2020 | 14:09
Մեզ առաջարկվել է ստորագրել և միանալ Հայաստանի և Արցախի նախկին նախագահների, վարչապետների և այլ բարձրաստիճան անձանց մասնակցությամբ ստեղծվելիք օպերատիվ շտաբի աշխատանքներին, բայց քննարկել ենք և գտում ենք, որ այս պահին ներուժ ունեցող բոլոր մարդիկ արդեն իսկ առաջարկություններ արել են, հետևաբար նման շտաբ ձևավորելու կարիք չկա: Այս մասին լրագրողների հետ ճեպազրույցում ասաց ԱԺ «Լուսավոր Հայաստան» խմբակցության ղեկավար Էդմոն Մարուքյանը:
«Օպերատիվ կառավարման առումով, կարծում եմ, որ կոլեգիալ մարմինների ներգրավումը կարող է բերել կոլեգիալ անպատասխանատվության: Բայց, միևնույն ժամանակ, դեմ չենք եղել առաջարկին: Եթե նման մարմին ստեղծվի, դեմ չենք լինի», – ասաց Մարուքյանը:
Նա նաև նշեց որ իր տեղեկություններով՝ ՀՀ վարչապետը Արցախի հարցով քննարկումների շրջանակում հանդիպել է նաև ՀՀ նախկին նախագահների հետ:
«Ճշտեք, նման բան լսել եմ: Կարող է ինչ-որ մեկի հետ՝ չէ, բայց մի մասի հետ՝ լսել եմ, որ հանդիպել է: Ես տեսնում եմ, որ միասնականությունը շատ դեպքերում մնացել է հայտարարությունների մակարդակում», – ասաց պատգամավորը՝ հավելելով, որ գնդակը իշխանության դաշտում է, և իշխանությունը պետք է որոշի՝ ում ներուժն ինչպես օգտագործել:
Մանրամասները՝ տեսանյութում:
