19.09.2026 | 01:11
ԱԺ պատգամավորներին Անկախության 35-ամյակի առթիվ պարգևավճարներ կտրվեն․ «Ուժեղ Հայաստանի» ներկայացուցիչները կհրաժարվեն դրանցից
«Դա աբսուրդ է, ոչ մեկին ոչ մի նամակ չենք ուղարկել». Վահրամ Պողոսյան. 168.am
Քաղաքականություն
20.10.2020 | 18:32
Արցախի նախագահ Արայիկ Հարությունյանն Արցախի խնդրով ո՛չ ՀՀ վարչապետ Նիկոլ Փաշինյանին է պաշտոնական նամակ ուղարկել, ո՛չ էլ ԵԱՀԿ Մինսկի խմբի համանախագահներին:
168.am-ի հետ զրույցում այդ մասին ասել է Արցախի նախագահի մամուլի խոսնակ Վահրամ Պողոսյանը՝ արձագանքելով շրջանառվող և կուլիսային խոսակցություններին, թե Արցախի նախագահը նամակով դիմել է ԵԱՀԿ Մինսկի խմբի համանախագահներին և ՀՀ վարչապետ Նիկոլ Փաշինյանին՝ քայլեր ձեռնարկել դադարեցնել պատերազմը և անհապաղ նստել բանակցությունների։
Ըստ մամուլի՝ երեկ այս մասին Փաշինյանը տեղեկացրել էր ԱԱԽ նիստում: Երեկ մամուլում հրապարակում եղավ այն մասին, թե թուղթ է ներկայացվել Փաշինյանի կողմից։ Ըստ շրջանառվող խոսակցությունների, սակայն, Փաշինյանը Արցախի նախագահի կողմից իրեն և համանախագահներին ուղղված ինչ–որ նամակի մասին խոսել է երեկ հրավիրված Անվտանգության խորհրդի արտահերթ նիստում։
«Դա աբսուրդ է, ոչ մեկին ոչ մի նամակ չենք ուղարկել: Դա ինֆորմացիոն հերթական դիվերսիան է, որ իբր մենք պատրաստ ենք նախկին փաստաթղթերի, սկզբունքների վրա զիջումների գնալ: Այսօր ի՞նչ զիջումների մասին է խոսքը պատերազմական վիճակում, երբ Ադրբեջանն ասում է՝ «ամբողջ Ղարաբաղն իմն է»: Դա աբսուրդ է, այսօր թե՛ Հայաստանի, թե՛ Արցախի իշխանությունները կենտրոնացած են մի ուղղության վրա՝ ռազմաճակատում հաջողություն ունենալ»,- նշել է նա:
