20.05.2026 | 20:21
Արմավիրի մարզի մի շարք հասցեներում վթարային ջրանջատում կլինի
Ադրբեջանի ԶՈՒ գլխավոր շտաբի պետի մասին տեղեկատվությունը հեռացվել է ՊՆ կայքից
Քաղաքականություն
20.10.2020 | 15:10
Սոցիալական ցանցերի ադրբեջանական տիրությում ակտիվորեն քննարկվում է այն, որ Ադրբեջանի ԶՈՒ-ի գլխավոր շտաբի պետ, գեներալ-գնդապետ Նաջմեդդին Սադիկովի մասին տեղեկատվությունը ամբողջովին հեռացվել է Ադրբեջանի պաշտպանության նախարարության պաշտոնական կայքից։ Կան նաև որոշ քննարկումներ նրա հեռացման մասին։
Նշենք, որ պատերազմի դեռ մեկնարկից են խոսակցություններ պտտվում, որ Սադիկովը հեռացվել է իր պաշտոնից կամ ձերբակալվել է։ Սադիկովի հնարավոր հեռացումը ուրախացնում է ադրբեջանցիներին, քանի որ շատերը նրան դավաճան են համարում։ Սադիկովը համարվում է պրոռուսական գործիչ, լուրեր կան նաև, որ նա ադրբեջաներենին չի տիրապետում, շփվում է միայն ռուսերենով։ Որոշ հրապարակումների համաձայն՝ հենց Սադիկովն է դեմ եղել թուրք զինվորականների ներկայությանն ու ներգրավվածանությանը Ադրբեջանի ԶՈՒ-ում։
Ադրբեջանի ՊՆ-ն դեռ որևէ կերպ չի մեկնաբանել Նաջմեդդին Սադիկովի պաշտոնից հեռացման մասին լուրերը։
Ի դեպ՝ Ադրբեջանի ՊՆ-ի պաշտոնական կայքէջ մուտք գործել չհաջողվեց, քանի որ արգելափակված է։
Էմմա Չոբանյան
