18.12.2025 | 01:35
Տհաճ միջադեպ՝ Արման Ծառուկյանի մենամարտի ժամանակ. ՏԵՍԱՆՅՈՒԹ
Թուրքիան ավելի քան 300 զինծառայող է կորցրել ԼՂ պատերազմում․ ИА Реалист
Քաղաքականություն
20.10.2020 | 14:26
Լեռնային Ղարաբաղի հակամարտության մեջ ուղղակի ռազմական ներգրավվածության հետևանքով թուրքական ԶՈՒ-ն կորցրել է ավելի քան 300 մարդ։ Այս մասին հաղորդում է ИА Реалист-ը՝ վկայակոչելով երևանյան իր աղբյուրներին։
«Պատերազմի ամբողջ ընթացքում զոհված թուրք զինծառայողների մարմիններով 4 ռազմական ինքնաթիռ է Բաքվից Թուրքիա ուղևորվել։ Ամենահամեստ հաշվարկներով՝թուրքական բանակը ավելի քան 300 զինծառայող է կորցրել։ Խոսքը էլիտար հատուկ նշանակության ստորաբաժանումների մասին է, որոնք երկար տարիներ պատրաստվել են այս պատերազմին։ Հատկանշական է, որ թուրքական հատուկ նշանակության ջոկատների սպաները տիրապետում են ռուսերենին ու հայերենին։ Թուրքիայի օդուժը պարբերաբար օդում ծածկում է իր զինծառայողներին՝ հարվածներ հասցնելով Արցախի Պաշտպանության բանակի դիրքերին»,- ասել է լրատվամիջոցի զրուցակիցը։
Նա նաև նշել է, որ թուրքերը կռվում են ադրբեջանական բանակի համազգեստով, բայց նրանց հաջողվել է նույնականացնել փաստաթղթերով ու բջջային հեռախոսներով։
Ավելի վաղ էլ Stratfor կենտրոնի ռազմական փորձագետ Սիմ Թեկն էր հայտարարել, որ ադրբեջանական բանակը այս հարձակմանը երկար ժամանակ է նախապատրաստվել, սակայն ակնհայտ է, որ Բաքվին չի հաջողվել հասնել իր ռազմական նպատակներին, նույնիսկ Թուրքիայի աջակցությամբ։
Էմմա Չոբանյան
