08.11.2024 | 14:21
Երիտասարդության ոլորտում պետության քաղաքականությանն ուղղված օրենսդրական նախաձեռնություն. ՈՒՂԻՂ
ԵԽ պատգամավորն առաջարկել է չեղարկել ՀՀ քաղաքացիների համար վիզային ռեժիմը, իսկ ադրբեջանցիների համար նոր սահմանափակումներ մտցնել
Քաղաքականություն
20.10.2020 | 14:53
Հունաստանից Եվրախորհրդարանի պատգամավոր Եվա Քաիլին դիմել է Եվրամիությանը՝ առաջարկելով չեղարկել դիվանագիտական անձնագրեր ունեցող ադրբեջանցիների համար շենգեն վիզաները, ինչպես նաև վիզաների նոր սահմանափակումներ սահմանել ադրբեջանցիների նկատմամբ։
Եվրախորհրդարանի պատգամավորը նշել է, որ սա պետք է լինի Ադրբեջանի կողմից Արցախում բնակվող հայերի իրավունքների բացահայտ ոտնահարման հետևանք, գրում է Greek City Times-ը։
Միևնույն ժամանակ նա կոչ է արել գնահատել ԵՄ անվտանգությունը, քանի որ Ադրբեջանը փորձում է ներխուժել Արցախ, ինչի հետևանքով հնարավոր է մեծանան հակամարտության գոտուց ԵՄ ապօրինի ներգաղթյալների հոսքը։
Նա խնդրել է հանձնաժողովին լիարժեք հաշվետվություն ներկայացնել Եվրախորհրդարանին։
Քաիլին նաև կոչ է արել գործնական աջակցություն ցույց տալ Հայաստանին ՝ սկսելով ՀՀ քաղաքացիների համար վիզային ռեժիմի չեղարկման շուրջ երկխոսություն, քանի որ Հայաստանը կանգնած է Թուրքիայի աջակցությամբ լայնամասշտաբ պատերազմի վտանգի շեմին։
«Պարոն Ալիևը անարդար պատերազմ է վարում Լեռնային Ղարաբաղում հայերի դեմ՝ խախտելով 1994 թվականին կնքած զինադադարի մասին համաձայնագիրն ու արհամարհելով միջազգային հանրության երկխոսության կոչերը։ ԵՄ-ն պետք է վճռականորեն ցույց տա, որ մեր հարևանությամբ նման բացահայտ ռազմական հարձակումները չեն կարող հանդուրժվել՝ առանց գործնական հետևանքների»,- ասել Եվրախորհրդարանի պատգամավորը։
Տաթև Ֆռանգյան
