29.04.2026 | 10:12
Հայտնի է Արման Ծառուկյանի հաջորդ մրցակիցը RAF-ում
Բելառուսում հայտարարել են ժողովրդական պահակախմբեր ձևավորելու մասին
Քաղաքականություն
20.10.2020 | 16:37
Բելառուսի պետական լրատվամիջոցները հայտնել են, որ հաջակցություն ոստիկանության՝ երկրում ժողովրդական պահակախմբեր են ստեղծվելու։ Երկրում ստեղծված իրավիճակով պայմանավորված և փողոցներում կարգ ու կանոն ապահովելու անհրաժեշտությունից ելնելով՝ որոշվել է ստեղծել կամավորական ջոկատներ։ Այս մասին հոկտեմբերի 19-ին հայտարարել է Ներքին գործերի քաղաքային վարչության պետ Իվան Կուբրակովը, գրում է DW-ի ռուսական ծառայությունը:
«Մարդիկ արդեն այսօր գալիս են։ Մենք չունենք ժողովրդական պահակախմբեր, սակայն կան կամավորներ։ Կա օրենք քաղաքացիների կողմից հասարակական կարգը պահպանելու մասին, ցանկացած քաղաքացի կարող է մասնակցել ներքին գործերի աշխատակիցների հետ հասարակական կարգ ու կանոնի պահպանմանը»,- նշել է նա։
Միևնույն ժամանակ իրավապահը հայտարարել է, որ նախաձեռնությանը կարող է մասնակցել Բելառուսի Հանրապետության ցանկացած չափահաս քաղաքացի։ Նշվում է, որ կամավորները ֆինանսական խրախուսում կստանան։
Մինչ այդ, Սվետլանա Տիխանովսկայան կոչ է արել ուժայիններին մինչ հոկտեմբերի 25-ը անցնել ժողովրդի կողմն ու չկատարել հանցավոր հրամաններ։
Տաթև Ֆռանգյան
