Ինչ է քննարկվել ԼՂ հարցով ՄԱԿ-ի ԱԽ փակ խորհրդակցության ժամանակ. ՄԱԿ-ում ՌԴ մշտական ներկայացուցիչը մանրամասներ է ներկայացրել

ՄԱԿ-ում ՌԴ մշտական ներկայացուցիչ Վասիլի Նեբենզյան ՄԱԿ-ի Անվտանգության խորհրդի փակ խորհրդակցությունից հետո հայտարարել է, որ խոսակցությունը եղել է այն մասին, թե որ կառույցը և ինչպես է վերահսկելու ղարաբաղյան հակամարտության գոտում հրադադարի ռեժիմի պահպանումը։ Ավելի վաղ Ռուսաստանի Դաշնությունը, Ֆրանսիան և Միացյալ Նահանգները խնդրել էին ՄԱԿ-ի Անվտանգության խորհրդի փակ խորհրդակցությունները անցկացնել Լեռնային Ղարաբաղում տիրող իրավիճակի վերաբերյալ, գրում է ՌԻԱ Նովոստին։

«Հրադադարի մասին պայմանավորվածության հաստատումից ի վեր այն չի պահպանվել: Հիմնական հարցն այն է, թե ինչպես ապահովել հրադադարի ռեժիմի պահպանման վերահսկողությունը », – լրագրողներին ասել Նեբենզյան:

Նրա խոսքով՝ երկուշաբթի օրը տեղեկություններ եղան այն մասին, որ ՌԴ ՊՆ-ն բանակցություններ է վարում Հայաստանի և Ադրբեջանի իր գործընկերների հետ այն հարցի շուրջ, թե ինչպես իրականացնել այդ վերահսկողական մեխանիզմը:

«Իհարկե, այդ հարցը բարձրացվել է խորհրդակցությունների ժամանակ, և Խորհուրդը միանգամայն միասնական դիրքորոշում ունի այդ հարցում», – հայտնում է ՄԱԿ-ի Անվտանգության խորհուրդը նախագահող Ռուսաստանի մշտական ներկայացուցիչը։

Պատասխանելով այն հարցին, թե որ կազմակերպությունը, ՄԱԿ-ը թե ԵԱՀԿ-ն ավելի հարմար կլինեն Լեռնային Ղարաբաղում հրադադարի վերահսկման դիտարկման համար, Նեբենզյան ասում է. «Ով կլինի այնտեղ և ինչ կարգավիճակով, դեռ հարց է: Քննարկվում է: Թե ինչպես դա գործնականում կիրականացվի, այլ հարց  է»։

Տաթև Ֆռանգյան