09.06.2026 | 23:19
Կանանց Հայաստանի հավաքականը 0:6 հաշվով պարտվեց Բելառուսին. ՏԵՍԱՆՅՈՒԹ
Կա ջենթլմենական համաձայնություն, որ փակ հանդիպման մանրամասները չներկայացվեն. Շարմազանով. ՏԵՍԱՆՅՈՒԹ
Քաղաքականություն
19.10.2020 | 20:02
Հրավերը կառավարության կողմից է եղել, հանդիպման օրակարգում Արցախի հարցն է և ռազմական գործողությունները: Այս մասին լրագրողների հետ զրույցում կառավարությունում արտախորհրդարանական ուժերի և վարչապետի հանդիպումից առաջ ասաց ՀՀԿ ԳՄ անդամ Էդուարդ Շարմազանովը:
Հարցին՝ կուսակցությունների առաջարկը շատերը համարում են հակասահմանադրական, արդյոք վարչապետին դիմելուց առաջ ուսումնասիրե՞լ են՝ սահմանադրությանը հակասո՞ւմ է, թե՞ ոչ, նա պատասխանեց. «Հիմա ներքաղաքական խժդժությունների ժամանակը չէ: Մեղադրողները կամ ուշադիր չեն ընթերցել 16 կուսակցությունների տեքստը, կամ միգուցե ունեն այլ նպատակներ: Մեր դիմումի հասցեատերը կառավարությունն է և վարչապետը, և մենք այլ կողմերից պատասխաններ չենք էլ ակնկալում»:
Հարցին՝ առաջարկը պնդելո՞ւ եք այսօր, նա պատասխանեց, որ փակ հանդիպում է և մանրամասներ ներկայացնելու անհրաժեշտություն չի տեսնում. «Կա ջենթլմենական համաձայնություն, որ փակ հանդիպման մանրամասներ չենք ներկայացնում: Այսօր բոլորիս խնդիրը Արցախն է, մեր ժողովրդի անվտանգությունն է»:
Մանրամասները՝ տեսանյութում:
