12.10.2026 | 15:18
«Եթե ընդամենը 5000 ընտանիք է բնակարան ձեռք բերել, ո՞ւր է ծախսվել 250 մլն դոլարը»․ Աննա Գրիգորյան․ ՏԵՍԱՆՅՈՒԹ
Փաշինյանը կարծում է, որ կրակի դադարեցման մասին մոսկովյան համաձայնության իրականացմանը խոչընդոտում է Թուրքիան
Քաղաքականություն
19.10.2020 | 18:53
Թուրքիան շահագրգռված է Հարավային Կովկասում Ռուսաստանի ազդեցության թուլացմամբ, այդ պատճառով Անկարան խոչընդոտում է կրակի դադարեցման մասին Բաքվի և Երևանի կողմից Մոսկվայում ձեռք բերված համաձայնությունների իրագործմանը։ ՏԱՍՍ-ին տված հարցազրույցում նման կարծիք է հայտնել ՀՀ վարչապետ Նիկոլ Փաշինյանը։
«Ես վստահ եմ, որ մինչև հիմա մեզ չի հաջողվել կյանքի կոչել մոսկովյան հայտարարությունը, քանի որ կան ուժեր, որոնք խոչընդոտում են դրան, շատ հստակ խոչընդոտում են։ Առաջին հերթին դա Թուրքիան է։ Թուրքիան մոսկովյան հայտարարությունը ձախողելու հարցում շահագրգռված է երկու պատճառով․ Թուրքիայի գործողություններին ուղղված են Հարավային Կովկասից Ռուսաստանին դուրս մղելուն։ Եկեք չմոռանանք, որ այդ հայտարարությունն ընդունվել է Ռուսաստանի նախագահի և Ռուսաստանի Դաշնության նախաձեռնությամբ։ Որոշ ուժեր, և կոնկրետ Թուրքիան, շահագրգռված են, որպեսզի Ռուսաստանի նախաձեռնությունը հաջողություն չունենա, և նրանք հույս ունեն այդպիսով խարխլել Հարավային Կովկասում ՌԴ հեղինակությունը»,- հայտարարել է նա։
Փաշինյանն ընդգծել է, որ «հարկավոր է աշխատել՝ տարածաշրջանում կայունությունը վերականգնելու համար»։
«Իհարկե՝ մենք սերտորեն համագործակցելու ենք Ռուսաստանի հետ այդ հարցով, և մենք հույս ուենք, որ ԵԱՀԿ Մինսկի խմբի մյուս համանախագահները նույնպես կսատարեն այդ ջանքերը»,- ասել է նա։
