09.02.2026 | 23:09
V-BAT հետախուզական ԱԹՍ-ը՝ Հայաստանում. Պապիկյանը՝ ՀՀ-ԱՄՆ համագործակցության մեկնարկի մասին
Մոսկվան ու Թեհրանը համագործակցում են Իրանի ավիացիայի զարգացման հարցում
Քաղաքականություն
19.10.2020 | 18:40
Մոսկվան ու Թեհրանը համագործակցում են Իրանի ավիացիայի զարգացման հարցում, երկու երկրների միջև համապատասխան պայմանավորվածություններն արդեն ձեռք են բերվել։ Այս մասին այսօր հայտարարել է Իրանի պաշտպանության նախարար, գեներալ Ամիր Խաթամին։
«Ռուսաստանի հետ մենք ունենք կարևոր պայմանավորվածություններ՝ ռազմաօդային ուժերի զարգացման նպատակով»,- պաշտոնյայի խոսքերն է վկայակոչում ISNA գործակալությունը։
Նախարարը հավելել է, որ Իրանը Չինաստանի ու Ռուսաստանի հետ, սպառազինության էմբարգոյի ավարտից հետո, ռազմական նոր համաձայնագրեր ունի»։
Ընդ որում՝ բարձրաստիճան զինվորականը նշել է, որ «Իրանը ոչ մի դեպքում չի ցանկանում սպառազինության մրցավազք, որը տարածաշրջանը կդարձնի վառոդով լի տակառ»։
«Մենք պատրաստ ենք ռազմական համաձայնություն ստորագրել Պարսից ծոցի երկրների հետ՝ տարածաշրջանային կայունություն հաստատելու համար»,- ասել է նա։
Տաթև Ֆռանգյան
