30.06.2026 | 23:28
«Ուիմբլդոն»․ Կարեն Խաչանովը մեկնարկել է հաղթանակով
ԱՄՆ Ներկայացուցիչների պալատ է ներկայացվել Թուրքիային ՆԱՏՕ-ի կազմից հանելու նախագիծ՝ հայկական ուժերի վրա հարձակման ու ահաբեկիչներին շարունակական աջակցության համար
Քաղաքականություն
19.10.2020 | 14:02
ԱՄՆ Հայ դատի հանձնախմբից տեղեկացնում են, որ հանրապետական Թալսի Գաբարդն ԱՄՆ Ներկայացուցիչների պալատ է ներկայացրել բանաձև՝ պահանջելով քայլեր ձեռնարկել Թուրքիային ՆԱՏՕ-ի կազմից դուրս բերելու համար՝ Անկարայի կողմից հայկական ուժերի վրա հարձակման ու ահաբեկիչներին շարունակական աջակցության համար։
Ներկայացված բանաձևում նշվում է, որ Ադրբեջանի կողմից տարվող մարտական գործողություններում Անկարան բացահայտ ռազմական աջակցություն է տրամադրում Բաքվին։
Նշվում է նաև, որ Արցախի դեմ կռվելու համար Թուրքիան ահաբեկիչների է տեղափոխում Ադրբեջան, որոնք ասոցացվում են «Ալ-Քաիդայի» և «Իսլամական պետության» հետ։
Բանաձևում անդրադարձ կա նաև թուրքական F-16 կործանիչներին, որոնք Ադրբեջանը գործի է դրել ինչպես Հայաստանի, այնպես էլ Արցախի ուղղությամբ։
