18.11.2024 | 15:33
«Արմավիր» ՔԿՀ-ի ծառայող է ձերբակալվել
ԵՄ-ն դատապարտել է հրադադարի մասին հայտարարությունից հետո ԼՂ-ում շարունակվող ռազմական գործողությունները
Քաղաքականություն
18.10.2020 | 20:58
Եվրամիությունը դատապարտել է Լեռնային Ղարաբաղում հրադադարի խախտումները, որն ուժի մեջ է մտել հոկտեմբերի 18-ի 00:00-ից։ Այս մասին ասվում է ԵՄ արտաքին գործերի և անվտանգության քաղաքականության հարցերով բարձր ներկայացուցիչ Ժոզեպ Բորելի հայտարարությունում։
«Եվրամիությունը ողջունում է մարդասիրական հրադադարի մասին Հայաստանի և Ադրբեջանի համատեղ հայտարարությունը։ ԵՄ-ն դատապարտում է փաստը, որ, ցավոք, խախտումները շարունակվում են, հաղորդվում է Լեռնային Ղարաբաղում ռազմական գործողությունների մասին։ Սա հանգեցնում է քաղաքացիական բնակչության տառապանքների ավելացմանը: Այն խորացնում է երկու պետությունների և այդ երկրներ հասարակությունների միջև առկա հակասությունները՝ է՛լ ավելի բարդացնելով վերքերի ապաքինումը: Լեռնային Ղարաբաղի բնակչությունն արդեն իսկ տառապանքներ է կրել։ Ընդհանուր առմամբ, հակամարտությունը հանգեցրել է քաղաքացիական բնակչության շրջանում բազմաթիվ զոհերի, ինչն անընդունելի է: ԵՄ-ն խստորեն դատապարտում է բոլոր նման հարձակումները՝ անկախ դրանց ծագումից»,- հայտարարել է Բորելը՝ նշելով, որ ԵՄ-ն կշարունակի հետևել իրադարձությունների զարգացմանը:
Նա նաև տեղեկացրել է, որ զրուցել է Հայաստանի ու Ադրբեջանի արտգործնախարարների հետ՝ «համոզելու, որ հրադադարը պետք է լինի անվերապահ և խստորեն պահպանվի երկու կողմերի կողմից»։
Տաթև Ֆռանգյան
